A Neiche Wöd

 

Ned spuckade Lamas hom mi ned ongschaut mit große Augn

Is eana sicher nur passiert

Die Eisbärn wern immer zahmer sitzen vorm Maci auf ana Bong

Unterhoin si amüsiert

 

Einischaut aussigschaut einigschaut

Ausn Käfig hob i einigschaut aussigschaut

 

Und die Vegl die fliagn mit da Sonn mit wia leichtade Stana

Die hod’s ned obaghaut

Wir hom uns nur ongschaut wir zwa fost a weng gschreckt

Woan des jetzt wir homma a neiche Wöd entdeckt

 

Schlecht aufglegte Tiger wön mim Filialleiter diskutieren

Die Müch is zwa zum Preis von am

Die Oamasn dengan si du gieriger Hund du

Losst si eh umanonderchauffieren

Glaubt hoid er is überoi daham

 

Er hod einigschaut aussigschaut einigschaut

In die Wöd hod a einigschaut aussigschaut

 

Und die Vegl die fliagn mit da Sonn mit wia leichtade Stana

Die hod’s ned obaghaut

Wir hom uns nur ongschaut wir zwa fost a weng gschreckt

Woan des jetzt wir

 

Oba die Pinguine mochn ka Drama

Wonn ma fliagn woin taratn würd ma vielleicht an Weg finden

Wir lossn uns obifoin

Wir hom uns onkoin wir zwa on unsere Hänt san des jetzt wir

Du Auf Du

 

Die Dunkelheit brennt oba auf die Stod den gonzn Tag scho heid

Es is a guade Zeit zum Aussigeh auf d’Strossn

Zum valorn Geh gonz alla und wonn ihr woit’s a gonz zu zweit

 

A Security seit zwa Joa Nochtschicht klopft auf’s Autoradio

Jetzt is so weid da tog is do er sogt juhuhu

Blauliachta und Motorradln Fitnessstudios 24 Stund hom’s offen

Und wonn’st wüst a länga san jo olla du auf du

 

Die Zeit die Zeit die Zeit die Zeit die Zeit die Zeit

 

Die Zärtlichkeit hod ihre Platzal zum Versteckn

Es is ned ihr Zeit

Es is a schwoche Freid wenn die Besn di du erst bes gmocht host

In da Nocht verschwindn

Sicherheit Sicherheit Sicherheit Sicherheit

 

Mit Sicherheit a Voiksvablöder is schamlos plakatiert

Füzstifte olla Herren und Damen Länder vaeint’s eich

Trommifelle Herzkamman und Augöpfin vibriern voa lauta Grausn

Dass di Leid nua jo gemein bleim

 

Den Taxifora hod’s kuaz grissn hod fost a Kind umbrocht

Er hod si so wos von nix gschissn vor da Nocht

 

Die Zeit die Zeit die Zeit die Zeit die Zeit die Zeit

Die Zeit die Zeit die Zeit die Zeit die Zeit die Zeit

So weid so weid so weid so weid so weid so guad

So weid so guad so weid so guad so weid so guad

Luna Park

 

Diskostompfa Plastikdompfa Kaugummipapierln

Ongsoffene di in eanan Hendl umastierln

A Lautsprecherdurchsog a klana Kevin is valorn

Er soi kumma zum Riesenradl die Mama wort dort

Wo da Luna Park explodiert

 

Auf da Autodromstreckn san die Akrobaten

Stiazn si eini wonn si die Autos vahakn

Und a klana Bua is dort in Gegenverkehr kumma

Wi a Pirat schmeisst si wer ummi und reisst des Steia umma

Da Luna Park vibriert

Mir taugt’s wei i bin do mit dir

 

Tränen rinnan hemmungslos in Zuckerwatteminda

Sogoa beim Ponyreiten wei di woin nu amoi die Kinder

Beim Boxautomatn hod si a Onkl weh to

Und a Neffe is tapfer wei a sogt Onkl wir kennan eh foan

Obwoi da Luna Park pulsiert

Mir hod’s taugt oba dei Hond i bes lädiert

 

Die Nocht vakriacht si in die Liachta

In olle Foabn leicht’s sonst warat’s wirklich fad im Luna Park

 

15jährige Mädls in kuaze Sommakleidln

Hean aus da Geistabon die Buam aussaschrein

Die Mütter lochn scho von da Weidn

Wonn’s die Buam aussawockln seng von da Ongst und ie zwa Seidln

Wei da Luna Park a weng schockiert

Da Mama taugt’s wei si is do mit dir

 

Wahrsageautomaten und Plüschgrizzlybären

Zwa Meter Schiasstondbesitzer die da die Puffn erklärn

Schaumroin Zuckerwasserl aus aller Herren Länder

Schmusade Leid di si festhoin am Ochterbongländer

Da Luna Park inspiriert

Eana taugt’s trotz vier zittade Knia

 

Die Nocht vakriacht si in die Liachta

In olle Foabn leicht’s sonst warat’s richtig fad im Luna Park

 

Luftballonclowns beim Schminkn im Klocontainer

Leid in so wos wia an Katapult di si ned on di Gschwindigkeit gwenan

A Stracciatellakugel frisch obigfoin am Bodn

A Pommesfrittes-Fett des gestan hedn’s austauschn soin

Da Luna Park vibriert

Mia taugt’s wei i bin do mit dir

Sei So Guad

 

Schiach grinsade Haisa mit ogspeade Balkon

D’Fensta brennad teils teils a echts Aug ois Spion

 

Und die klanen Nochtgestoiten

Hom die großen fost a weng in da Dunkelheit ghoiten

Die hom glocht und du host gsogt horcht’s eich des on

Ober offensichtlich nur du host as ghert

 

Und die toten Lichtgestoiten hom grert genau donn
Wonn si si si si si si gfrein soiten

Gfrein über di

Woit’s eich ned gfrein über mi

I bin so guad

Geh sad’s so guad

 

Die Tia mit Krotza innen und außen

Die Küch ausgmoit mit faulige Koin

D’Bodezimmafliesn sechzg Latschn aus Bluad

Aus an Wossahon a vadrade Pistoin

 

Und die schenen Lichtgestoiten hom die ongschaut

Und si donn am Fernsehr onghoitn

Und wie’s stoabn san san’s einigfoin

Valoan woan’s san’s eingfoin einigfoin einigfoin

Und du hinterher

 

Und die schwoaz-weiß-rotn Gsichta hom gwunkn und gsogt

Ah ah mich bitte nicht

A Hümmi hod si aufgschunga

Wia a riesiga Vogl zu an leichtadn Meer

 

Sternschnuppn und Leichtspurraketn

Hom si gmetscht mit an Spiagl aus Cola-Palettn

Und du host bes einigschaut guad aussigschaut

Guad einigschaut bes aussigschaut

Hod nie gonz aufghert des Spü

 

Die 1 2 3 hop geht scho wird scho Agenten

Hoin oiss aussa aus dir ois gimme five Studentn

Song du tuast z’vü

Tua ned so vü

Guad gnuag

Geh sei so guad

Weisse Schuach

 

Weisse Schuach in an höweissen Sommer

Blaue Hümmin in deine Augen

Die schenste Hitz die si nu ausgeht

Dei Lochn a longa und freindlicher Donner

Vor lauter Blitz kumm i fost nimmer zaum mim Schauen

 

Wos is so schlecht on da Liebe hob i ma docht

Dass ma so a guade Zeit mitanond hom

Hod mi überhaupt erst drauf brocht

 

Deine Händ san da Ploz wohin mei Gsicht ham kumma wü

Oiss wos berühren siag i vor lauter Freid leichten

Sie tonzn mim Weinglasl umormen in Wossahon beim Gschirr Spün

Und wie’s beim Winken die Obndluft streicheln

 

Wos is so schlecht on da Liebe hob i ma docht

I bin so erstaunt dass du so genau waast es is a Freindschoft

 

Mit deine weißen Schuach bei mir im Vorzimmer am Bodn

Mit a boa Fohra drin a wengal an Dreck aus deine Stroßn

Von deine Gehsteig Zebrastreifen schwer geheime Woidwegal

Die nie docht worn ois Obkürzung in mei Gossn sicher ned

 

Wos is so schlecht on da Liebe hob i ma docht

I hob’s Gfü du denkst da

Des schwer verliebt Sein hod söten nu was leichter gmocht

Oaschloch Blues

 

I red immer nur an Schas und kana konn mi leidn

Pferde Kotzn Hunde rennan weg di gspian mi von da Weidn

Wonn si wer a neichs gebrauchtes Auto kauft hod foa i mim Bus hi

I klopf mim Fuas aufn Reifn sog

Mah ob der echt so guad in Schuss is

 

I vasteck da d’Fernbedienung zbrich da di gonzn Soletti

I foa mim oidn Kühschronk extra in Woid denk ma des stört neamd

Den vasteck i

I beschwer mi im Museum über die Büda

Schmeiss deine Blumenvasen weg

Donn loch i a nu deppat drüber

 

I steh da obsichtlich in da Sonn borg ma Göd von meine Erben

Wonn i auf deine Pflonzn schaun soi donn gibt’s a Massensterbn

Flader ma am Sonntag ausm Stända a des Göd ned nur die Zeitung

Bei da Supermorktkassa sog i gern

Na stemma bissi auf da Leitung

 

I tua zum Spaß die gonzn Pflosta ausn Erste Hüfe-Kostn

Schmia ma a Faschierts aufs Extrawurschtbrot dawei die ondan fastn

Moch an Aufstond im Dorotheum sog des is sicher ka Süba

I hob deine Fehla auf ana longen Liste

Und i loch oft und gerne drüber

 

I kauf ma a Pointboigwehr siag i wen die Fenster putzn

Hau die Leid sofort fest am Ruckn wonn si si vakutzn

I schrei auf da Hauptstroßn di gem eana nu Göd für die Heizung

I bin wie immer gonz kloa ka Göd ohne Leistung

 

I schau extra Tom und Jerry wonn die Kinda ins Bett miassn

I denk ma konnst du des ned ondas mochn wonn die Leid niassn

I moch a vaständnisloses Gsicht wonn wer kummt und sogt hüf ma

I pick in Kaugummi klassisch untern Tisch

Donn loch i a nu deppat drüber

 

I moch a grinsads Gsicht wonn ihr mocht’s Bussi Bussi

Zu der Parksheriff-Lady hob i gsogt

Wonn’s für si so a Genuss is

I ruaf beim Kundenservice on I woat seit an Tog auf mei Packl

Hau die Tschickstummin in Gortn is doch gscheit

Hod wer wieder wos zum Hackeln

 

I vasteck in Thermometer zum Messen von deim Fieber

I ziag die Kotz beim Schwonz

Glaubst leicht die Schnurhoa warn ihr liabaaa

I beklog mi beim Konzert über die Liada

Meine News si san fake brauch ma goa ned reden drüber

 

Wonn in da Firma a Streib is hau i mi mim Chef auf a Packl

I spuck ausm Fensta wonn ma fad is und hoffentlich dir ins Knacklll

Longe Liada regn mi leidenschoftlich auf

I tret die Gänseblümchen nieder 1 2 3

Donn loch i a nu deppat drüber

 

Wonnst sogst pass ma auf aufs Nudelwossa loss i’s sicher vakochn

I kriag‘s Speibade wonn’s wieder auf die Menschenrechte pochen

Ned So Wüd

 

Staatsverweigerer Prüfungsvergeiger hom im Basketboi valoan

Sie hom an schlecht dopten Russn zum Sieger erkoren

Dopingsünder Wunschkinder ned vakaufte Biacha

Sie san steh blim a weng überroschend bei grün blinkade Liachta

 

I waaß a ned oba es is ned so wüd

I waaß a ned oba i waas wos da blüht

Wonnst glaubst du waast immer wos spüt

 

Gutsverwoita Textgestoita megn Spagghetti Bolognese

Scheitern beim Erklärn von da Photosynthese

Heiratsschwindler Produkterfinder hoib grauchte Zigaretten

Redn si aus ned bei di Blödn sondern bei di Nettn

 

I waaß a ned...

 

Verwoitungsrichter Hendlzüchter ausrangierte Boote

San vom Meer verschluckt wordn wie Extrawurschtbrote

Musicalsänger Walfänger die dritten in da Runde

Da Wal spuckt di aus und sogt du bist nu ned in olla Munde

 

I waaß a ned...

 

Frauenhasser Aufpasser ling im AKH im Sterbn

Song di Tierhüfe soi oiss griagn informiert’s die ondan Erben

Hobbyfechter Jobverpächter Trinkwosserverschwender

Schimpfen wia die Robn über die Obstsackerlverwender

 

I waaß a ned...

 

Scheidungsopfer Teppichklopfa royale Madrillenen

Reissen si beim Nudelwosser Aufstön die Archillessehnen

Zeitoabeiter Teamleiter multiple Millionäre

Lochn di on und sogn

Nimma a weng aussa die Schwere

 

I waaß a ned

Oba es is ned so wüd

I waaß a ned

Oba i waaß wos ma blüht

Wir wissen du waaßt immer wos spüt

Ka Kategorie

 

Sie song du bist uns ned zwida

Vielleicht seng ma uns wieda

So a Lebn is a nur ka Füm

Sondern is a ka Spü

Des si ohn dass fad wird guad alla spün losst

 

Is scho amoi lässig du singst uns Liada

Oba warad a wuascht gwesn

Es gibt Leid die wern immer miada

Und irgendwonn schlofn’s ei

Mehr oder weniger friedlich

 

Sie hom so an blassen Schimmer

Oba den hom’s ned immer

Grod wonn i’s eispean wü

Donn san’s gonz dahi

 

I hob a super Einbettzimmer

Warad doch guad denk i ma immer

Oba warat is do ka Kategorie irgendwie

 

Sie dazön da wos mit eana los is

Und wonn’s da’s ned hern konnst reduziern’s hoid die Dosis

Oba scho traurig a wonn’s di onlochn

Und du denkst da nur

Mah wos fia a Gsicht soi i jetzt mochn

 

Sie san a monchmoi schlecht aufglegt

Und sie san a überhaupt ned bessa ois du

Oder gscheida ois du

A so a good old nobody’s perfect is sometimes really perfect

 

Sie hom so an blassen Schimmer

Oba den hom’s ned immer

Grod wonn i’s eispean wü

Donn san’s gonz dahi

 

I hob a super Einbettzimmer

Warad doch guad denk i ma immer

Oba warat is do ka Kategorie

Mei Sommer Mit Dir

 

I loss mi einfoin

I loss mi ned aufhoin

I gib ma söba an Schubser in’d Hitz und a in’d Hitz von dir

 

I wer a Eis hoin geh

Wei a Herbst is des sicher nu ned

 

Im Wosser san die Oidbekonntn

Die Kinder bewocht von die Lieblingstanten

Wos kennan die dafia

Sie lochn eh dafia

 

Do geht da Winter kummt da Sommer zu dir

Des san die Lichtgestoiten die schoiten und woiten

Bis in da Sonn explodieren

Mei Sommer mit dir

 

Wir legn uns aufn Bodn

Und des Eis schmüzt uns do in da Sonn

Doch wir hom Ewigkeiten von Zeiten

Bis irgendwomm morgen in da Frua

 

Die Grüün zirpen des is a Paarungsvahoiten

Des losst si sicher ned so leicht obschoitn

Die san so motiviert

Schau her wie wir des gspian

 

Do geht da Winter kummt da Sommer zu dir

Do san die Lichtgestoiten die schoiten und woiten

Bis in da Sonn explodieren

Mei Sommer mit dir